Dünýädäki ajaýyp howa menzilleri.

Syýahatçylaryň köpüsi üçin howa menzillerinde döreýän garşylyk: oňaýsyzlyk we wagt ýitirmekdir. Uçuşlaryň arasyndaky sagat sabyryňy synaýandyr.Her kimi terminallaryň sowuk binalaryndan ýöremek we paçsyz penjirelere göz aýlamak çalt ýadadýar. Ýöne dünýäde wagt geçirmek gyzykly we tolgundyryjy syýahatyň doly bölegi bolan howa menzilleri hem bar. Dünýädäki birnäçe ajaýyp howa menzilleri bilen tanyşyp geçeliñ.  1.Singapuryň Çangi howa menzili - hakyky güýmenje merkezidir. Uçuşlaryň arasynda birnäçe sagat bar bolsa, bu ýerde özüňizi janly tebigat dünýäsine çümdürip bilersiňiz. T1 Terminalyň üçeginde ajaýyp bag döredilip , bu ýere Afrikadan we Amerikadan getirilen ýüzlerçe karkus we sukkulentleri tomaşa etmek bolýar. T2 terminalynda günebakarlar we orhideýalar gülleýär. T3 -de bolsa kebelekler ýaşaýar. "Kinetiki ýagyş" gurnalan:1216 sany bürünç damjasy ýuwaş-ýuwaşdan uçýar we 16 görnişli şekile örilýär,olaryñ arasynda howa şary, ýaprak we nagyşlar hem bar.

 2. Günorta Koreýanyň esasy howa menzili Inçon howa menzili Seuldan 70 km uzaklykda, bir wagtlar dargap giden adalarda ýerleşýär. Bu ýerde wagty gowy geçirip bilersiňiz: ýolagçylar üçin aýna we betonyň arasynda ýakymly baglar, gözellik salonlary, butikler, kinoteatrlar we buz meýdançasy bar. Koreýa medeniýetine aýlanyp bilersiňiz. Hünär galereýasyna baryp görmekden başlaýar we milli reňkli täsirli tomaşa bilen tamamlanýar.

 3. Hamad. Dohanyň ajaýyp we tehnologiki howa menzili 2014-nji ýylda açylýar. Bu ýerde kaşaň markalaryň butikleri, restoranlary, oýun meýdançalary, sport zaly we äpet basseýnli fitnes merkezi bar. Beýleki täsinlikler Hamadyň daşynda ýerleşýär: “Kataryň şaý-sepleri”, Yslam sungaty muzeýi, Suk - Wakif bazary, Medeni oba - bularyñ barysy tranzit ýolagçylary üçin Kataryň mugt wizasy bilen üç sagatlyk gezelenjiñ içinde. 

AKYÝEWA Gülnur

 TOHI-niñ Gidromeliorasiýa we oba hojalygyny mehanizimleşdirmek fakultetiniñ Gidromeliorasiýa hünäriniñ 2-nji ýyl talyby