Türkiýede "Magtymguly Pyragy we türki dünýäsiniň edebiýaty" atly halkara ylmy-amaly maslahat geçirildi
1 minut alar
Türkiýe döwletiniň paýtagty Ankara şäherinde Gündogaryň beýik akyldary we türkmen halkynyň milli şahyry Magtymguly Pyragynyň doglan gününiň 300 ýyllygy mynasybetli "Magtymguly Pyragy we türki dünýäsiniň edebiýaty" atly halkara ylmy-amaly maslahaty geçirildi.
Türkmenistanyň ilçihanasy we TÜRKSOÝ halkara guramasy tarapyndan gurnalan bu konferensiýanyň açylyş sessiýasyna Ýewraziýa ýazyjylar birleşiginiň başlygy, ýazyjy Ýakup Ömerogly başlyklyk etdi.
TÜRKSOÝ halkara guramasynyň Baş sekretary Soltan Raewiň, Türkmenistanyň, Gazagystanyň, Gyrgyz Respublikasynyň ilçileriniň we türki döwletleriň belli edebiýatçy alymlarynyň, görnükli ýazyjy-şahyrlarynyň gatnaşan "Magtymguly Pyragy we türki dünýäsiniň edebiýaty" atly halkara ylmy-amaly maslahatynda Magtymguly Pyragynyň çeper döredijiliginiň türki döwletleriň edebi mirasyna eden edebi täsiri baradaky ylmy-nazary pikir-garaýyşlar beýan edildi.
Toýly Jänädow
https://www.ussatnews.com/tm/posts/news/5721/turkiyede-magtymguly-pyragy-we-turki-dunyasinin-edebiyaty-atly-halkara-ylmy-amaly-maslahat-gecirildi