Syrly geografiýalar #9: Winikunka "Älemgoşar" dagy

Görmeýärsiňmi? Allah gökden suw indirdi, şol suw bilen biz, dürli reňklerde miweler çykardyk. Daglarda hem dürli reňklerde ala-mula, ak, gyzyl we gara toprak bölekleri bar. (Kurany Kerim, Fatyr süresi 27-nji aýat)

Peruň And daglarynyň ýüreginde, gözüňi alýan tebigy gudrat ýerleşýär: Winikunka, ýagny has meşhur ady bilen  "Älemgoşar" dagy. Bu özboluşly ýer, Kusko sebitinde, dünýä belli Maçu Pikçudan takmynan 100 kilometr günorta-gündogarynda ýerleşýär. Winikunkanyň geografik koordinatlary takmynan 13.8691° GO, 71.3029° GB-de, Google Earth ýa-da meňzeş programmalarda bu koordinatlar arkaly aňsatlyk bilen tapyp bilersiňiz.

Dag, älemgoşar görnüşli, zolakly reňk palitrasy bilen ünsi çekýär. Bu reňkler, millionlarça ýyl boýunça demir we beýleki minerallaryň ýygyndysy bilen emele gelen gatlaklardan gelip çykýar. Her bir reňk, dürli bir mineralyň hekaýasyny gürrüň berýär; gyzyl we gülgüne reňk demir oksidlerden, sary we ak reňkler kükürt we kwars birikmelerinden, ýaşyl reňkler mis, oksid we hloritden gelýär. Bu tebigy palitra, güniň dürli wagtlarynda Günüň ýagtylygynyň düşüş burçuna baglylykda üýtgeşiklik görkezýär, bu bolsa Winikunkany her saparda dürli bir gözellikde görkezýär.

Winikunka barmak, Kuskodan başlap we And daglarynyň täsirli peýzajlarynyň arasynda dowam edýän takmynan 3-4 sagatlyk bir syýahat talap edýär. Syýahatçylar, adatça, irden ýola çykyp, dagyň depesine tarap trekking edip, öýlän soňra yzyna dolanýarlar. Bu başdangeçirme, diňe fiziki bir çagyryş däl, eýsem syýahatçylara, Perunyň tebigy we medeni baýlyklary hakynda birnäçe maglumat öwrenmekligine mümkinçilik berýär.

Winikunka, ýerli ilat üçin hem aýratyn bir ähmiýete eýedir. Dag, Pachamama (Ene Ýer) medeniýetiniň bir bölegi hökmünde sylaglanýar we tebigatyň güýçlerine bolan çuňňur sylagyň bir nyşanydyr. Ýerli ilat, bu ajaýyp tebigy gudratyň goralmagy we durnukly syýahatçylyk arkaly tanadylmagy babatynda uly tagalla görkezýär.

Älemgoşar dagy, tebigatyň nähili ynanylmaz eserler döredip biljekdiginiň nyşanydyr. Bu mesgen, bize planetamyzdaky gizlin galan syrlaryň we tebigy gözellikleriň goralmagynyň möhümdigini hem ýatladýar. Winikunka syýahat etmek, dünýämiziň ajaýyp dürli-dürlüligine we tebigatyň döredijilik güýjüne ýakyndan tanyşmaga mümkünçilik berer. Bu özboluşly ýer, her kimiň ömründe azyndan bir baryp görmeli bir ýeridir.

Çeşme: https://www.rainbowmountainperu.com/"