Kör duýgy
1 minut alar
KÖR DUÝGY
"Hoş gal,
hoş hyýal,
boş hyýal,
ho-oş gal"
Nobatguly REJEBOW
Heder edenlerim başyma geldi,
Hoşgal,
görmegeýje içi boş hyýal.
Noldan başlasak-da, ýeke zat belli,
Bil, seni saýlardym çeksemde zyýan.
Telbe men - kör duýgyň yzyna düşüp,
Ýakjagny bilsem-de, tans etdim otda.
Zerre umyt bilen pyşdyl deý süýşüp,
Mündüm berbatlyga äkidýän otla.
Özge eller sypar sümmül saçyňy,
Gel ynandyr, kalby gelmejegiňe.
Boşat gursagymy, beýniň içini,
Ynanýan az-owlak ýeňlejegime.
Sen gidensoň sessizleşdi ýüregim,
Gözlerim aglaşyp için sowatdy.
Ýalňyzlygy saýlapdym baş ýaragym.
Olam saçym ütüp, dişim owratdy.
Ýer bilen deň boldy etsem-petsemler,
Ömri ýaşamanyň tapmadym maýyn.
Goşgularmy okap kabul etsinler
Bir içi ýananyň gülküsi deýin.
© Süleýman TEKÄÝEW